TAWWEY AH!
Chapter 1: A Lament
by: Ahiggem
no hi-gam koman namaha
mo indengel komay ya
aliwan hinhuhulat ka
anet koman pehed ka
nem andi tep mo in-ingah
ma-noy lowa ay baga
nakol agak annak amta
mangibilang ni hi-gam la.
kan ta et ngo ay hi-apil ka
mala et gayam ngon aliwa
hipa anhan i nak nangkolngan
ag nanghel ni mo pampephedan.
agpoh to et ngoy nannaod mo
hinopling ni amin i inhel ko
aliwan hota dina-yon mo
ooni gayam ay inggepak mo.
tola annak i pahding ko
ni manggayan hayan eggew mo
ta gandet ni andi ganah ko
mannemnemnem ni impahding mo.
hapa an ingongoddan i galakgak
koy ampet ngon hi lowinnaak!
andi ketdi bahol mon hi-gak
nem amon pintey moy liknak.
no hiyayay mo bahaan
ag mowak kayman ibagbagaan
ta talagan ag taka hongbatan
anggan mowak ingngogngogan.
amtak ketdi ay hi-gam
wa-wa-dan maligatan
nem igyan anggan ngo dadan
andi nak paniwangan
pehed ni nak pangawatan
mowak nangitani-koan
anhimogal kon nemnemnemen
mowak nangito-toogan.
agay ahanin pang ngo
at madegem i nemnem ko
adih nem awattan ko
amin ni impahpahding mo
aliwa ketdin kan ko
ay nalinihak annak ni too
hay piyan ko et mango
hota pampephedan mo.
isunga no mawwingi ka
at andiak ni mo kaang-anga
ag ka kayman kabigla
tep nan-ehel ko od diya
ta hay leknak nihaya kayman
no taka pay lang iim-imihan
amon taka dina-daan ni mo nangidayakdakan
dayaw mon ag mo pintegan.
agey hay kan ko ngo dadan
on-annay od na-mo anhan
amin ni ta nan-ih-ihtodyaan
tan taka namilbilinan.
agak pay dadan padtien
ay kayam ni amegen
mangingongodan ni lelemhihen
Ngadan ni mo nanhilhilbian.
agak ngo dadan da-yonan ay hiyayay naituding
nem andi met kayman i pahding nem ag kaaminolay baing.
han oway to li ketteg
igyan pohok naalibegbeg
matak amon da tinebteb
kokok amon mo tinegteg.
kamambeyedbed iday laman ko
nanhanikgot i nemnem ko
han oway to li pang ngo
no ina-noy kaobadan to.
koy agak od niliwan
ay aktop taka ngo dadan
igya atman niti kayman
pudnon nak nahakitan.
igyan nak kaitatagan
anggan pigay nak lowaan
andi to kaitaolian
anggan hipay amegen.
koy on ketteg, oway tokayo
no hiyatan i panggayaan yo
Koy haballi no aliwan pambabawian mo
Amin ita disisyon mo, di maonod alin timpo.
hiya na-mo law i me-geh ko
igya kaymana ag malangboh
anggan od tep hiyaya na-mo
kaonodan ni dedngelen mo.
by: Ahiggem
no hi-gam koman namaha
mo indengel komay ya
aliwan hinhuhulat ka
anet koman pehed ka
nem andi tep mo in-ingah
ma-noy lowa ay baga
nakol agak annak amta
mangibilang ni hi-gam la.
kan ta et ngo ay hi-apil ka
mala et gayam ngon aliwa
hipa anhan i nak nangkolngan
ag nanghel ni mo pampephedan.
agpoh to et ngoy nannaod mo
hinopling ni amin i inhel ko
aliwan hota dina-yon mo
ooni gayam ay inggepak mo.
tola annak i pahding ko
ni manggayan hayan eggew mo
ta gandet ni andi ganah ko
mannemnemnem ni impahding mo.
hapa an ingongoddan i galakgak
koy ampet ngon hi lowinnaak!
andi ketdi bahol mon hi-gak
nem amon pintey moy liknak.
no hiyayay mo bahaan
ag mowak kayman ibagbagaan
ta talagan ag taka hongbatan
anggan mowak ingngogngogan.
amtak ketdi ay hi-gam
wa-wa-dan maligatan
nem igyan anggan ngo dadan
andi nak paniwangan
pehed ni nak pangawatan
mowak nangitani-koan
anhimogal kon nemnemnemen
mowak nangito-toogan.
agay ahanin pang ngo
at madegem i nemnem ko
adih nem awattan ko
amin ni impahpahding mo
aliwa ketdin kan ko
ay nalinihak annak ni too
hay piyan ko et mango
hota pampephedan mo.
isunga no mawwingi ka
at andiak ni mo kaang-anga
ag ka kayman kabigla
tep nan-ehel ko od diya
ta hay leknak nihaya kayman
no taka pay lang iim-imihan
amon taka dina-daan ni mo nangidayakdakan
dayaw mon ag mo pintegan.
agey hay kan ko ngo dadan
on-annay od na-mo anhan
amin ni ta nan-ih-ihtodyaan
tan taka namilbilinan.
agak pay dadan padtien
ay kayam ni amegen
mangingongodan ni lelemhihen
Ngadan ni mo nanhilhilbian.
agak ngo dadan da-yonan ay hiyayay naituding
nem andi met kayman i pahding nem ag kaaminolay baing.
han oway to li ketteg
igyan pohok naalibegbeg
matak amon da tinebteb
kokok amon mo tinegteg.
kamambeyedbed iday laman ko
nanhanikgot i nemnem ko
han oway to li pang ngo
no ina-noy kaobadan to.
koy agak od niliwan
ay aktop taka ngo dadan
igya atman niti kayman
pudnon nak nahakitan.
igyan nak kaitatagan
anggan pigay nak lowaan
andi to kaitaolian
anggan hipay amegen.
koy on ketteg, oway tokayo
no hiyatan i panggayaan yo
Koy haballi no aliwan pambabawian mo
Amin ita disisyon mo, di maonod alin timpo.
hiya na-mo law i me-geh ko
igya kaymana ag malangboh
anggan od tep hiyaya na-mo
kaonodan ni dedngelen mo.
Comments
Igyan nak kamanemnemnem, nihaya ngon ma-dem
Agak piyan ni manemnem, men tawey tep amon naldem
Pohok amon nalaem, hugat an la dimelem
Hapa amon dagem et kantay ilellelgem
Agak amta nem hipa ngata i mabelin ni ipapa
Hiyay ag ma-gah koma, haya ka da ay lowa
Igyan kita kamatama, kantay aliwada law oonga
Tep ahleg toy nandalnan da, et kanta koma ay hiya
Hina-dom kankoy tola da la....
Hotada pamagbaga ni kan pa na-mo ay hobla
Nonta hi-gayo pay i oonga, namahig ngo hota gaya
Tep kami kamangaya, pehed idan yo inobla
Nihaya kamawada, dakel ida ngon baga...
Kantay tola da na-mo la a, pehed idan da impasa
Aamed tayo da, pehed koma ngoy itibew da
Di kadipohan da, man-iimih ida koma
Men piganto li na-mo ngo i kailakwahan yo?
Hapa mabelin ni heh-geden ko, i pan-ama-amagan yo?
Timpo ni palabah yo, hapa itaoli yo?
Amin kiho ag ombato, gandet ni matey kiho
Hi-gatayon totoo, gandet mampilli kiho
Piyan Diyoh, angel tayo... hipay onoden tayo?
No angel moy onoden mo....
Andi pampa-noan mo, babbawwi li lameh to
Ag mo ehlen ay kusto ni kan moy angel ko od ngo
Anhanet ngo...likna yo...hemek mi ni agpayso
Hapit Diyoh didingel yo, anhan et ngon ag yo limmo
Dakel ni inohal to, et kan yo met ay kusto...
At no di biyag yo tongpalen yo, biyag yo "palameh" to
Baka aliwan hallahoh, linibo et pay na-mo!
Oway to li keteg pango, igyan amon ag malangboh
Kolang idan hapit ko, ihulat ko li na-mo
Nabelod ni patawid ko, andi et man kayman ngo
Nem hemek Apo Diyoh, ipidpidwak ali mango!
Nem ag to amta no bagay to ni ihulat tod ya
Ag to amta no waday itolong ni inhulat toda
No hiyaman bahaan yoda.
Wada li od na-moy timpo ni hiyaman pabaha to
Hay kedaw to at man ngo no mabelin hi-gato ngon aboh
Mamahan yan inhulat yo ni ollaw ni hi-gato
Ateng i halamat to.