EPISODE OF LUNACY

                Mala'y alidong to, kamampannangih di awidan
                Awidan ni nemnem ni to nan-aayaman
                Lowa toy ag onhaldeng, andi to kaliwatan
                Apoy di dila yo, ampet yo kono hebheban.

                Mala'y alidong to, intibew kon nawidag la
                Kamakika-kaahi ay no mabelbelin koma
                No lowa to kayman i kan yoy yo kolokolen
                Ikdag yo et ni-ngangoy ala, aliwan yo ikolikolit la.

                Naligat dadan hota kolikolit, ma-no et  kaondateng
                Kamaabkal alin amin anggan lamot ni leleteng
                Nakol ni iiggot diman ay an et la on-anateng
                Kagabol et ni piyan niyan alidong ni olleteng.

                Kan ko ngo ay alidong et andi od ngoy an malekna
                Hapa gayam ngo ay nahama, kan kod nemnem ko ayya
                Kedkedaw ko anhan dama, ag koma ngo mapidpidwa
                Tep no kaak-akmona, amon bang-agen tokita.

                Bang-ag  met a no kan ko ay naigiti alidong to
                Andi anhan di nemnem ko no hiyatan i kan koy kan to
                Kita ngay kamadihmaya no gait ni kanamnamaa
                Kan tay am-amta dakita, mala et ngon "Tawwey ah!"

                                "The shadow was crying in the front yard
                                Ringing the bell forcing to come forward
                                Her reality is trying to look heavenward
                                When all the lights were put out by the blizzard."